2020 لما حصل حادث إنفجار مرفأ بيروت، مصر و معظم دول المنطقة قدموا مساعدات للبنان لتجاوز الأزمة لكن اللي ناس كتير متعرفوش إن من وقت الحادث لحد النهاردة مصر منقطعتش عن تقديم المساعدات للبنان وكل فترة بترسل طائرات محملة بالمواد الغذائية والطبية بعكس الدول اللي قدمت مساعدات في أول الأزمة وأنقطعت عن تقديم المساندة للبنان بعدها!!
الإحساس الصادق ده بيوصل للطرف التاني علشان كدة هتلاقي سعد الحريري المكلف برئاسة الحكومة دايماً بيقوم بزيارة الرئيس #السيسي وكان أخرها النهاردة علشان يقوم بنقل المشهد له ويطلعه علي أخر المستجدات في لبنان وهتلاحظ أنه دايماً بيركز في كلامه علي جملة الجهود الصادقة اللي بتقوم بيها مصر لمساندة لبنان.
تونس لما أعلنت عن إنهيار النظام الصحي مصر بعد ساعات من إعلان الخبر كانت أول دولة تقوم بمساندة تونس وترسل طائرات محملة بالمستلزمات الطبية، ومش بس أرسلت دفعة وخلاص علي كدة ، مازالت لحد اللحظة دي مطارات تونس بتستقبل الطائرات المصرية المحملة بالمستلزمات الطبية وهيستمر الموضوع دون إنقطاع لحد مايعود النظام الصحي في تونس لطبيعته .
نفس الكلام بالنسبة لليبيا والسودان وفلسطين وغيرهم من دول المنطقة اللي بتواجه أزمات .
مصر بتقوم بالمساندة بصدق بدليل إستمرارها في تقديم المساعدات بصورة مستمرة بعكس دول تانية أرسلت مساعدات لمرة واحدة وأخدت اللقطة والخبر إتكتب عنها في الصحف وشكراً علي كدة!! مع ملاحظة ان الدول دي اللي قدمت مساعدات لمرة واحدة كنوع من تأدية الواجب وإنقطعت!! أحوالها الإقتصادية أفضل من مصر ومش بتواجه كم التحديات اللي بتواجهها مصر لكن مصر عامله زي الشخص الكريم اللي ظروفه يمكن أقل من بعض أشقائه لكن مع ذلك من كتر كرمه تحس انه أغني واحد فيهم. وده اللي هتحسه لما تشوف طائرات المساعدات المصرية متوقفتش لحظة عن التحليق علي مدار سنة تقريباً في سماء المنطقة لمساندة أشقائها من دول المنطقة .
