1- البانادول اللي عمال تاخده قرصين كل 8 ساعات ده هيبهدلك الكبد.

2-فيتامين سي زيادة عن حاجة جسمك هيعملك حصوات في الكلي.

3- الأزيثرومايسين أو أي مضاد حيوي هيعملك microbial resistance ولو تعبت بعد كده لاقدر الله مش هنعرف نعالجك.

4- "ڤيتامين د" لو حضرتك مش عامل تحاليل وعارف نسبته وبتاخد جرعة مظبوطة هيعملك حصوات في الكلي ويرفعلك نسبة الكالسيوم في دمك وممكن يرفعلك الضغط ويعملك بلاوي.

لو انت سليم ومعندكش أعراض ومفكر الأدوية دي بتفيدك أنت غلطان.

انت بتعمل حمل وload علي الأجهزة الحيوية في جسمك وبتقلل مناعتك والله مش بتزودها خالص.. وكمان بتشارك في ذنب حد مات أو حد محتاج للأدوية دي وملقهاش فعلا.